رواية جحيم الكتمان ٢
– ألحقواا في واحد أغمي عليه هنا
– جريت عليه ممرضة وزميلها سندوه ونزلوه الاستقبال يفوقوه”
” بعد ساعة ” في الفيلا
– يعني ايه متعرفيش راح ع فين !!
– بعياط ” زي ما بقولك كدا جه خد المسدس بتاعه وهو مش شايف قدامه جري ع طول بالحراس بتوعه أنا خايفة عليه أوي ليورط نفسه في حاجة
– فريد فين ؟!
أزاي متصلتيش بيه يلحق أخوه بسرعة
– كلمته في الشركة قالوا خرج وميعرفوش راح فين حتي تلفونه مقفول
” قطع المكالمة صوت حارس من حُراس حمزة الخاصة ”
– حمزة فين أنطق بسرعة
– وهو بياخد نفسه بإرهاق” الهانم في المستشفي مضروبة بالنار في رجلها وحمزة بيه وقع مغمي عليه هناك
” فجأة حس الدنيا بتلف حوليه حط إيده ع رأسه كان هيقع الحارس سنده بسرعة ”
– بصوت خافت” خدي ع هناك بسرعه
” بعد ساعة ”
– بصوت ضعيف ” وعد .. و عد
– بعياط ” ألف سلامة عليك ي حبيبي
– فتح عنيه وبألم ” وعد فين ي جدي عاوز أشوفها
– لسه في العمليات أرتاح أنت بس وأول ما تطلع الدكاترة هيطمنونا
– قام وهو حاسس برأسه تقيلة أوي وصداع فظيع” عاوز أروحلها
– أهدي يا حبيبي انت لسه تعبان
– تعبان وهي مش معايا لازم اروحلها هي محتاجني
– كان هيقع مسكه جده وهو بيسنده ” ع مهلك تعالي أنا هوصلك
” طلعوا ع الدور التاني وصلوا عن أوضة العمليات لقوا الدكتور طالع ووعد واخدينها ع ترولي ”
– جري عليها بلهفة ” وعد حببتي أنتي سمعاني ردي عليا فتحي عينك بقي علشان خاطري
– أبعد ي أستاذ من فضلك لازم تدخل العناية
” بعدوه عنها وخدوها ومشيوا”
– دكتور هي هي مبتردش عليا ليه
– اطمن الحمد لله الرصاصة إلا أتصابت بيها مدخلتش في رجلها عدت من جمبها بس وكويس أنكم ربطوا رجلها ع طول علشان النزيف أحنا خيطنا الجرح وجددنا الجبس لأن رجليها التانية كانت متبهدلة هي كمان ”
– ط طب بدل بدل هي كويسة ليه هتحطوها في العناية ؟!
– زيادة حرص بس لحد بكرا لأن جسمها برضو خسر دم والضربة إلا خدتها ع رأسها خايفين لتكون أثرت ع حاجة أحنا منعرفهاش فلازم تفضل تحت الملاح..
– قاطعه برجاء” عاوز أشوفها
– هي لسه تحت تأثير البنج يعني ملهاش لازم دلوقتي بكرا تقدر تشوفها وتطمن عليها
– بحزم ” بقولك لازم أشوفها دلوقتي حالا
– جده وهو بيحاول يهديه ” أسفين ي دكتور بس انت شايف حالته هيدخل يبص عليها بس ويطلع ع طول أرجوك
